Lavrovdan sərt açıqlama | Rusiyadan gözlənilməz İsrail mövqeyi

“Rusiya Yaxın Şərq nizamlanmasına dair İsrailin təhlükəsizliyini pozan anlaşmalara razı olmayacaq”.

Bunu Rusiyanın xarici işlər naziri Sergey Lavrov Federasiya Şurasındakı çıxışı zamanı deyib.

Bildirib ki, rəsmi Moskva eyni zamanda Fələstin dövlətinin yaradılmasını nəzərdə tutan razılaşmaları da rədd edir:

"Rusiya Prezidenti ərəb ölkələri ilə təmasda həmişə deyir ki, İsrailin təhlükəsizliyi üçün risk yaratmaq mümkün deyil. Qərb, görünür, Fələstin dövləti yaratmaq istəmir. Həll edilməmiş Fələstin problemi Qəzzada ekstremist meyilləri artırır.

ATƏT hazırda Rusiyaya heç bir əlavə dəyər gətirmir. Rusiya Qərb dövlətləri ilə mübahisə etmək istəmir, lakin indi onlar Moskvanın MDB ölkələri ilə əlaqələrini pozmağa çalışır və həssas bölgələri “qarışdırırlar”. Qərb dövlətlərinin nümayəndələri “dünyanın hər tərəfinə qaçırlar” və ölkələri Rusiya ilə qarşılıqlı əlaqəyə görə qorxudurlar".

S.Lavrov bundan başqa, Atom Enerjisi üzrə Beynəlxalq Agentliyinin Fukusima Atom Elektrik Stansiyasından suyun okeana buraxılmasından sonra verdiyi hesabatlara da toxunub və əlavə edib ki, Moskvanın bir sıra sualları hələ də cavabsız olaraq qalır.