Dünya
Pleyeri seçin:
Lukaşenkodan Kiyevə sərt xəbərdarlıq | Ukraynanın iki seçimi var
“Kiyev Rusiyaya qarşı çirkli bombadan istifadə etsə, bu, Ukraynanın öz əli ilə yoxa çıxması ilə nəticələnəcək”.
Bu sözləri Belarus Prezidenti Aleksandr Lukaşenko Rusiya mediasına müsahibəsi zamanı bildirib.
Liderin sözlərinə görə, Qərb ölkələri nüvə eskalasiyasına can atırlar, çünki onların başqa variantları yoxdur. Ukraynaya gəldikdə isə 2 mümkün seçim var – ya Şimali Atlantika Alyansına üzvlük, ya da nüvə silahının yaradılması.
A.Lukaşenko Kiyevin nüvə silahı hazırlamasına dair təhdidlərin reallığı əks etdirmədiyini söyləyib. O, Ukrayna Prezidenti Volodimir Zelenskinin bunu həyata keçirəcək qədər cəsarətli olmadığını iddia edib. Eyni zamanda prezident Kiyevi düşünməyə çağırıb.
“Moskvaya belə çirkli bomba atsanız, nə olacaq? Rusiya dağılacaqmı? Xeyr, Rusiya məhv olmayacaq, amma o qədər zərbə vuracaq ki, Ukrayna tamamilə yox olacaq”, – deyə o vurğulayıb.
Kopyalandı
Seçilmişlər
