Makrondan Rusiya barədə etiraf | Fransa qoşunları Ukraynaya göndərilir?

“İki il bundan əvvəl biz Ukraynaya heç vaxt tank göndərməyəcəyimizi demişdik. Amma sonradan bunu etdik”.

Bu sözləri Fransa Prezidenti Emmanuel Makron deyib.

“Biz regiona heç vaxt ortamənzilli raketlər göndərməyəcəyimizi açıqlamışdıq. Lakin biz bunu da həyata keçirdik. Heç vaxt təyyarə tədarük etməyəcəyimizi də bildirmişdik, ancaq bəzi dövlətlər bu məsələ ilə bağlı fikirlərini dəyişiblər. Bu isə o deməkdir ki, biz söz ehtiyatımıza həddən artıq çox məhdudiyyətlər qoymuşuq.

Nəzərə almalıyıq ki, eskalasiyada olan və Rusiya ilə müharibədə olan biz deyilik. Sadəcə olaraq, biz Rusiyanın qalib gəlməsinə imkan verməməliyik”, – deyə Makron bildirib.