Mariya Zaxarova hər şeyi açıqladı: "Vaqner" Ermənistana göndərilib?

"Ermənistanda dövlət çevrilişi məqsədilə 3 min “Vaqnerçi”nin olması ilə bağlı məlumatlar mifdir".

Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə "News.ru"nun sualını cavablandırarkən deyib.

“Belə bir foto var? Bəlkə video ? Belə bəyanatlar nəyə əsasən səsləndirilir? Niyə 3000? Niyə üç kvadrilyon deyil? Faktlar hanı? Hanı onların yeri barədə məlumatlar? Əgər bu qədər insandan söhbət gedirsə, onlar haradadırlar? Bu, milyardlıq əhalisi olan ölkə deyil axı? Yəqin ki, bu insanları görərdilər. Necə deyərlər, “aşkar edərdilər”. Biz nə haqqında danışırıq? Bunların hamısı növbəti mifologiyadır”, – deyə Rusiya XİN sözçüsü vurğulayıb.