Maya Sandu Aİ ölkələrinə qarşı hibrid müharibənin başladığını deyib

Latviya Prezidenti Edqars Rinkeviçs Rusiyanın Avropa İttifaqı ölkələrinə qarşı hibrid müharibəyə artıq başladığını bildirib.

Bu barədə o, “Reuters“ə açıqlamasında deyib.

Onun sözlərinə görə, Qərb xüsusi xidmət orqanları hazırda diversiya, sui-qəsd cəhdləri, yanğınlar, casusluq və digər təxribatlarla bağlı bir sıra araşdırmalar aparır.

Latviya Prezidenti bildirib ki, Rusiya xüsusi xidmət orqanları Baltikyanı ölkələr və Polşada kritik infrastruktura qarşı yeni diversiyalar hazırlayır.

Latviya Prezidenti ölkəsində Ukraynaya yardım toplayan xeyriyyə təşkilatının anbarında baş vermiş yanğınla bağlı da araşdırmanın aparıldığını qeyd edib.

Moldova Prezidenti Maya Sandu isə bəzi dronların ölkənin hava məkanına təsadüfən, digərlərinin isə qəsdən daxil olduğunu bildirib.

Bu barədə Sandu “Teleradio Moldova”nın efirində danışıb. O, Rusiyanın bəzi dronları təkcə Moldovaya deyil, regionun digər ölkələrinə də göndərdiyini iddia edib.

Sandu qeyd edib ki, dronların uçuş trayektoriyasını təhlil etməklə onların qəsdən göndərilib-göndərilmədiyini müəyyən etmək mümkündür.