Pleyeri seçin:
Məhkəmə Alen Delonu nəzarət altına aldı | Ailəsindən açıqlama
Məhkəmə 88 yaşlı fransız aktyoru Alen Delonun hüquqlarını məhdudlaşdırıb. Bununla bağlı BBC məlumat yayıb.
Aktyora xüsusən də daşınmaz əmlak satmaq qadağan edilib. Məhkəmə kimliyi bilinməyən şəxsi sənətçinin işlərini idarə etmək üçün təyin edib. Həkimlərin, dərmanların seçilməsi, tibbi nəzarətin daimi həyata keçirilməsinin təmin edilməsi də məhkəmə tərəfindən təyin edilmiş mütəxəssisin fəaliyyət dairəsinə daxildir.
Qeyd edək ki, Delonun sağlamlıq durumu son vaxtlar ailə üzvləri və yaxın ətrafı arasında mübahisə obyektinə çevrilib. Aktyorun kiçik oğlu Alen-Fabien atasının məlumatsızlığından və zəifliyindən sui-istifadə etdiyi iddia edilən bacısı Anuşkadan şikayət etdikdən sonra prokurorluq ilkin araşdırmaya başlayıb.
Delonun xanımı Hiromi Rollin də öz növbəsində prokurorluğa məktub yazaraq onun uşaqlarını aktyoru qəsdən öldürməyə cəhddə ittiham edib.
Kopyalandı
Seçilmişlər
