Məşhur 36 yaşlı bloger öldürülüb, yoxsa...? | Qalmaqallı hadisənin detalları

"Karnaval kraliçası" kimi tanınan fitnes influenseri hotelin hovuzunda ölü tapılıb.

Meksikalı idmançı-influenser Mariya Barrera Agaton ailəsi və dostları ilə birlikdə qaldığı hotelin hovuzunda ölüb.

Hadisə Meksikanın Motul şəhərində, Kankunun qərbində yerləşən "Coco Resort & Villas" hotelində baş verib.

36 yaşlı M.B.Agaton gecəni yaxınları ilə hovuz kənarında keçirib, gecə saat 12 radələrində isə hamı otaqlarına çəkilib və o, orada tək qalıb. Səhər saatlarında geri qayıtmadığı üçün narahat olan ailə üzvləri axtarışa çıxıb və qadının meyitini hovuzun dibində tapıblar.

M.B.Agaton dərhal sudan çıxarılıb və hadisə yerinə gələn təcili yardım briqadası müdaxilə etsə də, onun artıq öldüyü müəyyən olunub. Polis istintaqı aparır və hadisənin qəsdən törədilmə ehtimalını istisna etmir.

Yerli mediaya görə, bu hadisə M.B.Agatonun Merida şəhərində yerləşən idman zalının qarşısında ona qarşı təhdid mesajı yazılmış bannerin asılmasından iki həftə sonra baş verib.

Bildirilir ki, M.B.Agaton həmin banneri özü çıxarıb və hüquq-mühafizə orqanlarına məlumat vermədən məhv edib.

2017-ci ildə də M.B.Agaton və onun ovaxtkı həyat yoldaşı, sabiq dövlət prokuroru Çiri Roberto təhdidlərə məruz qalmışdı. Üstəlik, 2023-cü ildə onun rəhbərlik etdiyi idman zalında məşqçinin səhlənkarlığı nəticəsində bir gəncin başına qantel düşmüş və faciəli şəkildə ölmüşdü. İstintaq bu olayların M.B.Agatonun ölümü ilə əlaqəsinin olub-olmadığını araşdırır.

M.B.Agaton Yukatan Bədən Tərbiyəsi və Fitnes Assosiasiyasının vitse-prezidenti idi.