Milli Qvardiyanın iki hərbçisi ölüb | Atışmada şübhəli bilinən şəxs saxlanıldı

ABŞ Milli Qvardiyasının iki əsgəri Vaşinqtonda güllələnib.

Məlumata görə, hadisə Ağ Evin yaxınlığındakı parkda baş verib. Qeyd olunur ki, yaralıların hər ikisinin vəziyyəti ağırdır.

Atışmada şübhəli bilinən şəxs artıq saxlanılıb. Vaşinqtonun Polis İdarəsi bu barədə "X"də məlumat verib.

Hadisə yeri mühasirəyə alınıb. Şübhəlinin adı isə hələ ki açıqlanmır. Ağ Ev hadisədən dərhal sonra bağlanıb.

Bildirilir ki, ABŞ Prezidenti Donald Tramp hadisə zamanı Florida ştatında Vest Palm-Biçdə olub.

“Ağ Ev bu faciəli vəziyyətdən xəbərdardır və onu fəal şəkildə izləyir. ABŞ Prezidenti məlumatlandırılıb”, ‒ deyə Ağ Evin mətbuat katibi Kerolayn Livitt bildirib.

Donald Tramp isə öz növbəsində atışmada yaralanan əsgərlərin vəziyyətinin ağır olduğunu deyib. Ağ Ev rəhbəri onları güllələyən şəxsin də ağır yaralandığını və cəzalandırılacağını açıqlayıb.