Mirzoyan və Rubio Vaşinqtonda görüşdülər
Ermənistanın xarici işlər naziri Ararat Mirzoyan və ABŞ dövlət katibi Marko Rubio Vaşinqtonda görüşüblər.
Tərəflər Ermənistan və ABŞ arasında strateji tərəfdaşlığın inkişaf dinamikasını və əldə olunan razılaşmaların həyata keçirilməsini məmnuniyyətlə qeyd ediblər.
Mirzoyan və Rubio 2025-ci il avqustun 8-də Vaşinqton Sülh Sammitində əldə olunan razılaşmaların həyata keçirilməsinin gedişatını müzakirə ediblər.
Hər iki tərəf Bakı və İrəvan arasında sülhün daha da təsisatlaşdırılmasının vacibliyini vurğulayıb və bu istiqamətdə addımlar atılmasını nəzərdən keçirib.
Ermənistanın xarici işlər naziri və ABŞ dövlət katibi iki ölkə arasında Trampın “Beynəlxalq Sülh və Rifah Marşrutu” (TRIPP) layihəsinin həyata keçirilməsi üçün çərçivə sazişi ilə bağlı birgə bəyanatı təsdiqləyiblər.
“Bu gün biz TRIPP layihəsini imzalayacağıq. Daha doğrusu, bizim fikrimizcə, əməkdaşlığın əla nümunəsi olan layihənin həyata keçirilməsi üzərində işləməyə davam edəcəyik. Bu, Ermənistanı biznesə açır, iqtisadi cəhətdən çiçəklənməsinə imkan verir və heç bir şəkildə Ermənistanın suverenliyini pozmur. Bu, əməkdaşlığın əla nümunəsidir və bu, həm də ölkələrimiz arasında çox güclü olan və bu müqavilələr sayəsində güclənməyə davam edən ikitərəfli münasibətlərimizin qurulması üçün davamlı bir yoldur”, – deyə Marko Rubio görüşlə bağlı bildirib.
#Ararat Mirzoyan teqi istifadə olunub
- Zaxarovadan Mirzoyanın Aİ rəsmiləri ilə görüşünə kəskin reaksiya
- Ararat Mirzoyan estoniyalı həmkarı ilə "Tramp marşrutu"nu müzakirə etdilər
- Ararat Mirzoyan Türkiyə ilə razılaşmadan danışdı - CANLI
- Azərbaycan və Ermənistan regionu birləşdirəcək? | "Sülh regionda yeni iqtisadi imkanlar açır"
- Mirzoyandan Azərbaycanla bağlı açıqlama | "Bir-birimizin əraziləri ilə hərəkət edəcəyik"
