Pleyeri seçin:
Nəsrullah atəşkəsə "hə" demişdi | Livanın XİN rəhbərindən etiraf
“Hizbullah” hərbi qruplaşmasının lideri Həsən Nəsrullah ölümündən bir müddət əvvəl İsrailin Baş naziri Benyamin Netanyahu ilə razılığa gəlmişdi. Həmin razılıq barəsində Vaşinqton və Paris rəsmiləri də xəbərdar edilmişdi.
Bu barədə Livanın xarici işlər naziri Abdullah Bou Həbib ABŞ mediasına açıqlama verib.
"Həsən Nəsrullah atəşkəsə “hə” demişdi. Biz ABŞ və Fransa tərəflərini də məlumatlandırdıq. Onlar bizə Netanyahunun da məsələ ilə bağlı razılığa gəldiyini dedilər”, – deyə Livanın xarici işlər naziri bildirib.
Qeyd edək ki, sentyabrın 25-də Prezident Cozef Bayden və onun fransalı həmkarı Emmanuel Makron Nyu-Yorkda BMT Baş Assambleyasından kənarda görüşdükdən sonra 21 günlük atəşkəs elan ediblər. Lakin Netanyahu cəmi bir gün sonra atəşkəs təklifini rədd edərək SAXAL-a tam gücü ilə vuruşmasını əmr edib.
Kopyalandı
Seçilmişlər
