Netanyahu dağıdıcı hücumla bağlı xəbərdarlıq etdi | Vəziyyəti gərginləşdirən isə...

Qəzza zolağında xəstəxanaların ən azı 94 %-i İsraillə münaqişə nəticəsində dağıdılıb və ya zədələnib.

Bu barədə məlumat Ümumdünya Səhiyyə Təşkilatına istinadən yayılıb.

Bidirilib ki, hazırda Qəzzadakı 36 xəstəxanadan yalnız 19-u fəaliyyət göstərir. Amma buna baxmayaraq, nə kifayət qədər dərman, nə də lazımi tibbi avadanlıq var.

Tərəflər arasında uzun sürən fasilədən sonra ilk dəfə münasibətlərdə nisbi yumşalma müşahidə olunur.

Belə ki, İsrail Ordusu Qəzzaya humanitar yardımın daxil edilməsinə icazə verib və həbs olunan 10 fələstinli azad edilib. Onların səhhəti ilə bağlı heç bir məlumat verilməsə də, İsrail həbsxanalarında işgəncə və aclıq gördükləri iddia edilir.

Onu da qeyd edək ki, İsrail tərəfi hələ də HƏMAS-ın girov saxladığı vətəndaşlarını geri qaytara bilməyib. Tərəflər arasındakı atəşkəs rejiminin qüvvədən düşməsinin başlıca səbəbi də elə budur.

Yenidən gərginləşən vəziyyət Benyamin Netanyahunun “Qəzzaya nəzarəti tam ələ keçirməliyik” ifadəsi reallığa çevriləndən sonra sabitləşə bilər. Ekspertlər bu fikirdədirlər. Onlar B.Netanyahunun çıxışından sonra bu qənaətə gəliblər. Çünki İsrailin Baş naziri “dağıdıcı 1 zərbə endirəcəyik və HƏMAS-ın varlığına son qoyulacaq”, – deyə bildirib.