Dünya
Pleyeri seçin:
Netanyahu və Tramp razılığa gəldi | Qəzza ilə bağlı kritik müzakirə
İsrailin Baş naziri Benyamin Netanyahu ABŞ-nin yeni seçilmiş prezidenti Donald Trampla telefonla danışıb.
Bu barədə İsrail hökumətinin başçısının ofisi məlumat yayıb.
“Baş nazir Trampa Qəzzada saxlanılan girovların azad edilməsi razılaşmasının əldə edilməsinə göstərdiyi köməyə görə təşəkkür edib. Baş nazir bütün əsirlərin istənilən yolla geri qaytarılmasına dair öhdəliyini açıq şəkildə ifadə edib, Trampın Qəzzanın bir daha terror sığınacağı olmamasını təmin etmək üçün ABŞ-nin İsraillə birlikdə çalışacağına dair bəyanatlarını alqışlayıb”, – məlumatda deyilir.
Tərəflər həmçinin Qəzza ətrafındakı vəziyyəti və digər mühüm məsələləri müzakirə etmək üçün tezliklə Vaşinqtonda görüş keçirməyə razılaşıblar.
Qeyd edək ki, ötən gün Qəzzada atəşkəs və girovların qaytarılması ilə bağlı razılaşma əldə edilib. Atəşkəs 19 yanvardan qüvvəyə minəcək.
Kopyalandı
Seçilmişlər
