Nikol Paşinyandan tarixi etiraf

“Araqat Ermənistanda, Ağrı dağı isə Türkiyədədir”.

Bunu Ermənistanın Baş naziri Nikol Paşinyan mətbuat konfransında bəyan edib.

“Ağrı dağı Türkiyənin beynəlxalq səviyyədə tanınmış ərazisindədir. Bu faktdır. Amma “Ermənistanda ən hündür dağ hansıdır?”, – deyə soruşanda uşaqların ən azı yarısı və ya daha çoxu belə cavab verir – “Ararat”. Bəs uşaqlar bunu hardan öyrənirlər? Hökumətin apardığı təhsil siyasəti nəticəsində? Ermənistanın ən yüksək dağını Araqats yox, Ararat adlandırırlarsa, bu, Ermənistanın Türkiyəyə qarşı ərazi iddiaları olması deməkdir”, – deyə N.Paşinyan qeyd edib.

Baş nazir bildirib ki, belə halda Türkiyə Ermənistanın inkişafına kömək etməz və onu məhv etmək üçün hər şeyi edər. “İndi sual olunur: Ermənistanın ən hündür dağı hansıdır? – Araqats. Bu, Ermənistana inkişaf imkanı verəcək siyasətdir”, – deyə o vurğulayıb.