Nursultan Nazarbayevin abidəsi Astanadan götürülüb

Qazaxıstanın sabiq prezidenti Nursultan Nazarbayevin abidəsi Astanada Milli Müdafiə Universitetinin ərazisindən götürülüb.

Bu barədə ölkənin Müdafiə Nazirliyi məlumat yayıb.

Heykəlin ölkənin Silahlı Qüvvələrinin Dövlət Hərb Tarixi Muzeyinin binasına köçürüləcəyi gözlənilir.

Xəbərə görə, hazırda abidə müvəqqəti olaraq müdafiə idarəsinin binalarından birində saxlanılır. Bundan başqa, universitetin adında da dəyişiklik edilib. "Qazaxıstan Respublikasının ilk prezidenti adına Milli Müdafiə Universiteti – Elbası" adı "Qazaxıstan Respublikası Milli Müdafiə Universiteti" ilə əvəzlənib.