Odessa atəşə tutuldu, yaşayış evləri vuruldu | Müharibədə gərginlik pik həddə

Ukrayna Silahlı Qüvvələrinə məxsus 26 pilotsuz uçuş aparatından bir qismi zərərsizləşdirilib, bəziləri ələ keçirilib.

Bu barədə Rusiya Müdafiə Nazirliyi məlumat verib.

Bildirilib ki, PUA-lardan 9-u Voronej, 8-i Belqorod, 4-ü Kursk vilayətində, Lipetskdə 4, Moskvada isə 1 təyyarə tipli uçuş aparatı zərərsizləşdirilib.

Belqorod vilayətinin qubernatoru Vyaçeslav Qladkov “Telegram” kanalında paylaşım edərək bildirib ki, vilayətdə gecə və səhər saatlarında bir neçə dəfə hava hücumu təhlükəsi xəbərdarlığı elan edilib. Sakinlərin sığınacaqlara getmələri tapşırılıb.

Qeyd edək ki, Rusiya hərbçiləri aprelin 15-dən 16-na keçən gecə Ukraynanın bir neçə şəhərini raket və PUA-larla atəşə tutub. Əsasən Odessa hədəf alınıb. Uçuş aparatlarının yaşayış sahəsinə düşməsi səbəbi ilə bir neçə evdə yanğın baş verib, insanlar xəsarət alıb.