Öldürülən 23 yaşlı Ayşət barədə şok | Kadırovun çevrəsi ilə bağlı izlər ortaya çıxdı!

İrəvanda qətlə yetirilən 23 yaşlı Ayşət Baymuradovanın ölümü ilə bağlı şok təfərrüatlar üzə çıxıb. Məlum olub ki, gənc qadın Çeçenistan lideri Ramzan Kadırovla uzaq qohumluq əlaqələrinə malik imiş. İstintaq materiallarına görə, Ayşətin qətlində "Kadırovun pul kisəsi" kimi tanınan Ruslan Baysarovun yaxın qohumu Səid-Xamzat Baysarov və cinayət zamanı onun yanında olan Karina İminovanın izləri aşkarlanıb. Təhlükəsizlik kameraları qətl baş verən mənzilin yaxınlığında bu şəxslərin görüntülərini qeydə alıb. Hüquq müdafiəçiləri hadisənin planlı şəkildə həyata keçirilən "namus qətli" və ya siyasi motivli cəza aksiyası olduğunu iddia edirlər. Ayşətin sosial şəbəkələrdə Çeçenistan rəhbərliyini tənqid etməsi və ailə zorakılığından qaçması onu hədəfə gətirən əsas amillər kimi göstərilir.