“Onlarla mübarizə aparılacaq, Rusiya ilə əməkdaşlıq edənlər isə...” | Kir Starmer

Böyük Britaniyanın Baş naziri Kir Starmer Çinin ölkənin milli təhlükəsizliyi üçün real təhdid olduğunu bəyan edib.

K.Starmer bu açıqlamanı Londonda hər il təşkil olunan ənənəvi rəsmi ziyafətdə səsləndirib.

O bildirib ki, London və Pekin arasında möhkəm münasibətlərin olmaması tənqid olunmalı haldır və münasibətlərə daha realist və praqmatik yanaşma lazımdır.

Baş nazir qeyd edib ki, Böyük Britaniyanın siyasəti qorxu və illüziyalar üzərində deyil, güc, aydınlıq və siyasi realizm prinsiplərinə əsaslanacaq.

K.Starmer eyni zamanda vurğulayıb ki, Çinlə əməkdaşlıq edilsə də, Britaniya casusluq cəhdlərinin qarşısını alacaq, qanunsuz kiberfəaliyyətlə mübarizə aparacaq, Rusiya ilə əməkdaşlıq edən Çin enerji şirkətlərinə sanksiyalar tətbiq edəcək, insan hüquqları pozuntularını açıq şəkildə tənqid edəcək.