Ordunun qara günləri başlayır? - Rusiya silahlarına qarşı ən effektiv vasitə

Rusiya Ordusu Xarkovun tibb mərkəzinə aviabomba atıb. Ölən və yaralananlar var.

Şəhərin Meri İqor Terexov bildirib ki, bina zədələnib. Hazırda axtarış-xilasetmə işləri aparılır.

Rusiyanın avizərbələrinin qarşısını almaq üçün Ukrayna Hava Hücumundan Müdafiə sistemlərinə ehtiyac duyur. Bu səbəbdən Almaniyadan Ukraynaya 7 ədəd “IRIS-T” sistemi göndərilib. Berlindən Kiyevə 60 “Gepard” artilleriya qurğusu da çatdırılıb.

Bu sistem Rusiya dronları ilə mübarizədə ən effektiv vasitə sayılır. Almaniyanın “Skynex” zenit-artilleriya sistemi də Ukraynaya göndərilib.

ABŞ Prezidenti Donald Trampın “Patriot” vədindən sonra sistemin ilk partiyası Ukraynadadır.

“The Telegraph”ın məlumatına görə, Ağ Ev və Pentaqonun bu addımı Avropa ölkələrini ürəkləndirmək üçün atılıb ki, onlar da özlərində olan “Patriot” sistemlərini Ukraynaya göndərsinlər.

“Ukraynaya 10 “Patriot” sistemi lazımdır, onlardan 3-ü razılaşdırılıb. Həmçinin raket, dron və ordunun stabil maliyyələşdirilməsi gərəkdir”.

Bunu Ukrayna Prezidenti Volodimir Zelenski deyib. Onun sözlərinə görə, Ukraynanın təkcə dron istehsalı üçün illik xərci 25 milyard dollardır.