Paşinyan komandasını qurban verəcək | Qərb korrupsiya ilə bağlı hərəkətə keçir

Ermənistanın Baş naziri Nikol Paşinyanın kadrlarının sürətlə varlanması Qərbin diqqətini çəkib.

Nikol Paşinyanın Qərb sponsorları komanda yoldaşlarının varlanmasının qanuniliyini yoxlamağın vaxtı çatdığını açıq şəkildə bildiriblər.

Keçmiş iqtidarın üzvlərinə və müxalifət xadimlərinə qarşı iqtidarın göstərişi ilə onlarla qanunsuz əmlak işi açıldığı halda, məlum olur ki, Qərb strukturları da hazırkı məmurların əmlakları, vəsaitləri, xaricdə satın alınan evləri və yatırılan pullarla bağlı kifayət qədər ciddi araşdırmalar aparılmasını tələb ediblər.

Müxtəlif məmurların korrupsiya əməliyyatları ilə bağlı dosyeləri var, onlardan bəziləri son illərdə mütəmadi olaraq medianın diqqətində olub, lakin Ermənistan hüquq-mühafizə orqanlarının əməkdaşları tərəfindən araşdırma obyekti olmayıb. Ona görə də Paşinyanın korrupsiyaya qarşı mübarizə apardığını sübut etmək üçün öz komandasının bir hissəsini qurban verəcəyi istisna edilmir.