Paşinyan üçün gözlənilməz sonluq yaxınlaşır? – Petrosyandan aranı qarışdıran açıqlama

Ermənistanın birinci prezidenti Levon Ter-Petrosyanın Nikol Paşinyan hakimiyyətinə qarşı səsləndirdiyi kəskin ittihamlar regionda siyasi gündəmi silkələyib. Baku TV-nin təhlilində qeyd olunur ki, Petrosyan Paşinyanı ölkəni dağıtmaqda günahlandıraraq, onun gələcək hakimiyyətlərə "ağır miras" qoyduğunu iddia edib. Keçmiş dövlət başçısı Azərbaycanın ərazi bütövlüyünü bərpa etməsindən sonra yaranmış yeni reallıqların dəyişdirilməsinin qeyri-mümkün olduğunu və İrəvanın sülh sazişi ilə bağlı mövqeyinin Ermənistanı çıxılmaz vəziyyətə saldığını vurğulayıb. Reportajda həmçinin Petrosyanın son zamanlar artan revanşist meyilləri, Rusiyanı proseslərə müdaxiləyə çağırması və uydurma tarixi iddialarla çıxış etməsi təfərrüatlı şəkildə işıqlandırılıb. Paşinyan üçün siyasi sonun yaxınlaşdığı barədə proqnozlar və Ermənistan daxilindəki gərginliyin pərdəarxası məqamları materialda geniş şəkildə təqdim olunur.