Pleyeri seçin:
Paşinyandan ATƏT-in Minsk qrupu ilə bağlı açıqlama
Ermənistan Rusiya, ABŞ və Fransanın həmsədrlik etdiyi ATƏT-in Minsk Qrupunun buraxılması üçün müzakirələr başlamaq niyyətindədir.
Bu barədə Ermənistan Baş naziri Nikol Paşinyan ölkənin “İctimai Televiziya”sına müsahibəsində deyib.
“Biz deyirdik ki, müzakirə edilə bilən məsələlər var və müzakirə edilməyən məsələlər var. Müzakirə edilə bilənlərdən biri ATƏT-in Minsk Qrupunun buraxılması imkanıdır. Bir daha təkrar edirəm: ATƏT Minsk Qrupunun buraxılması məsələsi müzakirəyə açıqdır. Biz yaxın zamanda bu barədə müzakirələr başlatmaq niyyətindəyik”, − deyə baş nazir bildirib.
Qeyd edək ki, Azərbaycan Xarici İşlər Nazirliyi dəfələrlə ATƏT-in Minsk Qrupunun və onunla bağlı strukturların rəsmi buraxılmasının zəruriliyini vurğulayıb.
Kopyalandı
#Ermənistan teqi istifadə olunub
Seçilmişlər
