Paşinyandan hamını təəccübləndirən qərar | Bundan sui-istifadə etməsinlər ki...

Ermənistan Avropa İttifaqının mümkün hesab etdiyi qədər ona yaxınlaşmağa hazırdır.

Bunu Baş nazir Nikol Paşinyan Demokratiya Uğrunda Erməni Forumunda çıxışı zamanı deyib.

İttifaqa daxil olmaq üçün referendumun keçirilməsi məsələsi ilə bağlı da danışan N.Paşinyan bildirib ki, bunu məqsədəuyğun saymır:

“Əgər mən düşünsəm ki, Ermənistan xalqı bu ideyanı dəstəkləmir, belə bəyanat verməzdim, ya da Ermənistan xalqının bu ideyanı dəstəkləmədiyi bir şəraitdə belə bir bəyanat versəydim, hətta bu açıqlamadan sonra Ermənistanın Baş naziri olmazdım.

Xalqın fikrini öyrənmək üçün referendum keçirmək məsələsinə gəldikdə isə mən Ermənistan xalqını təmsil etmək səlahiyyətinə malik bir məmur kimi onun fikrini bilirəm.

İndi referendum keçirilsin, ya yox, problem nədir? Referendum keçirsək, təbliğat aparmalıyıq. Belə olan halda insanlar bizə sual verəcəklər: Aİ bunu necə, nə vaxt istəyir? İnsanlar Aİ-nin bizi qəbul etməyə hazır olub-olmadığını soruşacaqlar. Mən bu suala cavab verə bilmərəm. Biz ən yüksək səviyyədə siyasi iradə bəyan etdik”.

Ermənistanın Baş naziri Nikol Paşinyan çıxışında həmçinin ölkədə demokratiyanın keyfiyyətindən narazı olduğunu da bəyan edib. Deyib ki, söz və mətbuat azadlığı ictimaiyyət tərəfindən sui-istifadə olunmamalıdır.