Paşinyanın 7 günlük Vaşinqton səfərində nələr yaşandı? | Sərkisyandan sensasiyalı açıqlama

“Nikol Paşinyan ABŞ-yə səfəri ərzində Vaşinqtonun İrəvanla bağlı siyasətinin necə olacağı sualına cavab ala bilməyib”.

Bu sözləri “Sputnik Ermənistan”a açıqlamasında politoloq Suren Sarkisyan Ermənistan Baş naziri N.Paşinyanın Amerikaya təxminən 7 günlük səfərini şərh edərkən deyib.

Sarkisyanın fikrincə, Ağ Evdə yeni komandanı və yanvarda imzalanmış strateji əməkdaşlıq sənədini nəzərə alsaq, Ermənistanın informasiya və siyasi mühitində müəyyən müsbət gözləntilər ola bilərdi:

“Lakin rəsmi şəxslərdən yalnız vitse-prezident Vens Paşinyanla görüşüb. ABŞ-də vitse-prezident institutu siyasi iyerarxiyada o qədər də nüfuzlu deyil. Görüşün özü də çox güman ki, 5-7 dəqiqə davam edib və sırf tanışlıq xarakterli olub. Açığı, belə bir görüşdə ciddi geosiyasi məsələlər müzakirə oluna bilməzdi.

Ermənistanın Baş naziri qərar qəbul edən heç bir şəxslə görüşməyib. O nə prezident Tramp, nə dövlət katibi Rubio, nə müdafiə naziri, nə də Prezidentin milli təhlükəsizlik müşaviri ilə görüşüb. Yalnız bunlar ABŞ-nin xarici siyasətinin nədən ibarət olacağını müəyyənləşdirən rəsmilərdir. Ona görə də Paşinyan üçün ABŞ-nin Ermənistan siyasətinin necə olacağı sualı açıq qalır.

Vaşinqtondakı yeni Administrasiyanın Bayden dövründə Ermənistan hakimiyyətinə verilən eyni siyasi dəstəyi davam etdirib-etdirməyəcəyi bəlli deyil”.