Plan Baydenə təqdim edildi, amma... | Ağ Evdəki gizli görüşün təfərrüatı

ABŞ Prezidenti Co Bayden ötən ilin dekabrında İranın nüvə obyektlərinə zərbə endirmək imkanını müzakirə edib.

Bu barədə cümə axşamı “Axios” portalı mənbələrə istinadən məlumat yayıb.

Portalın məlumatına görə, müvafiq təklif ötən ilin dekabrında keçirilən görüşdə Amerika liderinin milli təhlükəsizlik üzrə müşaviri Ceyk Sallivan tərəfindən irəli sürülüb.

Onun fikrincə, ABŞ-nin yeni seçilmiş prezidenti Donald Trampın andiçmə mərasiminin keçiriləcəyi vaxt Tehran yanvarın 20-dən əvvəlki dövrdə nüvə silahı əldə etməyə yaxınlaşarsa, Amerikanın İranın nüvə obyektlərinə zərbə endirməsi zəruri olardı.

“Axios” qeyd edir ki, Bayden həmin iclasda təklifi təsdiq etməyib və bu günə qədər də bu fikirdə deyil.

Portalın mənbələri vurğulayır ki, nüvə obyektlərinə zərbə endirmək imkanının müzakirəsi yeni kəşfiyyat məlumatlarının ortaya çıxması ilə bağlı olmayıb və Baydenin iradəsi demək deyildi.

“Axios” mənbələrindən biri vurğulayıb ki, hazırda Ağ Evdə belə müzakirələr aparılmır.