Pleyeri seçin:
Planetimizin simasını kəskin şəkildə dəyişəcək hadisə
Geophysical Research Letters elmi jurnalında Afrikanın tədricən ikiyə bölünməsinin səbəbi dərc edilib.
Beynəlxalq alimlər qrupu Keniyadakı Minqey geotermal yatağından çıxan qazları analiz edib. Bu maddələrin kimyəvi forması onların mantiya ilə Yerin nüvəsi arasındakı sərhəd qatından (2900 km dərinlikdə) mənşəyini göstərir.
Araşdırma zamanı məlum olub ki, şleyf qitəni məhv edir. Yəni, qaynar maddə Yerin daxili hissəsindən qalxır, litosferlə toqquşur və xaricə axır. Bu proses Yer qabığında gərginlik yaradır, vulkanik fəaliyyətə səbəb olur və 3500 km uzunluğunda qırılma şəbəkəsi əmələ gətirir. Qırılma Qırmızı dənizdən Mozambikə qədər uzanır və son 35 milyon il ərzində genişlənməyə davam edir.
Alimlər vurğulayıblar ki, bu ani proses deyil, lakin milyonlarla ildən sonra planetimizin simasını kəskin şəkildə dəyişəcək.
Kopyalandı
Seçilmişlər
