Putin Alyaskaya çatmamış Tramp ilk addımı atdı?

15 avqust 2025 268 baxış

ABŞ Prezidenti Donald Tramp ilə belaruslu həmkarı Aleksandr Lukaşenko arasında telefon danışığı baş tutub.

D.Tramp söhbətin təfərrüatlarını “Truth Social” sosial şəbəkəsində paylaşıb.

“Belarusun çox hörmətli Prezidenti Aleksandr Lukaşenko ilə gözəl söhbətim oldu. Zəngin məqsədi 16 məhbusun azadlığa buraxılmasına görə ona təşəkkür etmək idi. Biz daha 1 300 məhbusun azadlığa buraxılmasını da müzakirə edirik”, – deyə ABŞ-nin dövlət başçısı bildirib.

D.Trampın sözlərinə görə, A.Lukaşenko ilə söhbət çox yaxşı keçib. Belarus Prezidenti Donald Trampı və ailəsini Minskə dəvət edib. D.Tramp bu dəvəti qəbul edib.

Dövlət başçıları Alyaskada Rusiya Prezidenti Vladimir Putinlə Donald Trampın görüşünü də müzakirə ediblər.

Telefon danışığı zamanı A.Lukaşenko ABŞ liderini Cənubi Qafqazda sülhün əldə olunmasında yaxşı işinə görə təbrik edib.

Bu barədə Belarus liderinin mətbuat katibi Natalya Eysmont məlumat verib.

#Belarus