Putin NATO ölkələri ilə münaqişəyə gedərsə... | Zelenski

Son günlərdə Ukrayna-Rusiya müharibəsi ilə bağlı təklif və açıqlamaları ilə gündəmdən düşməyən Fransa Prezidentinə bu dəfə ukraynalı həmkarı Volodimir Zelenskidən cavab gəlib.

Ukrayna Prezidenti Emmanuel Makrona müraciət edərək deyib ki, ölkəsinin Fransanın ordusuna ehtiyacı yoxdur.

“Fransa hərbçiləri Ukraynada ölməyəcək. Ukrayna var olduqca, Fransa Ordusu Fransanın özündə qalacaq. Lakin Putin NATO ölkələri ilə münaqişəyə gedərsə, o zaman alyansın üzv dövlətləri öz hərbçilərini, döyüş briqadalarını hansı yolla və sayda göndərib-göndərməyəcəyinə dair qərar verəcəklər. Narahat olmayın, sizin övladlarınız Ukraynada ölməyəcək. Əgər Rusiya NATO ölkələrinə müdaxilə etsə, o zaman bu baş verə bilər. Bu isə artıq başqa mövzudur”, – o bildirib.

Ukrayna lideri rəsmi Kiyevin onlara dəstək verən ölkələrdən ordunun deyil, hərbi ekspert və təlimçilərin gəlməsində maraqlı olduğunu deyib.

Yeri gəlmişkən, Makrona daha bir rədd cavabı NATO-nun Baş katibi Yens Stoltenberqdən gəlib. Bildirib ki, Alyans Ukraynaya qoşun göndərməyi planlaşdırmır, çünki münaqişənin tərəfdarı deyil.