Putin Navalnının ölümündən danışdı | Liderdən gözlənilməz etiraf

"Cənab Aleksey Navalnının dünyasını dəyişməsi kədərli hadisədir. Bizdə başqa belə hallar da olub. Həbsxanada olan insanlar həyatlarını itiriblər. Bu ABŞ-də baş verməyibmi? Olub, özü də dəfələrlə”.

Bu sözləri Rusiyanın hazırkı dövlət başçısı Vladimir Putin ölkədə keçirilən prezident seçkilərinin ilkin nəticələrinə dair mətbuat konfransında deyib.

“Cənab Navalnı vəfat etməzdən bir neçə gün öncə onu Qərb ölkələrində həbsdə olan bəzi şəxslərlə dəyişmək ideyası var idi. Mən buna razılıq vermişdim. Amma təəssüf ki, bu alınmadı. Bizim bircə şərtimiz var idi, o, qayıtmamalı idi. Hamısı budur. Amma o, öldü. Bununla bağlı edə biləcəyimiz bir şey yoxdur. Bu həyatdır”, – V.Putin bildirib.