Putin Zelenski ilə görüşə niyə getmədi? | Britaniya mediasından qalmaqallı sözlər

Məlum olduğu kimi, Ukrayna Prezidenti Volodimir Zelenski müharibə ilə bağlı danışıqlar aparmaq üçün Türkiyənin paytaxtı Ankaraya gedib.

Görüşdə əvvəlcə Rusiya Prezidenti Vladimir Putinin də iştirak edəcəyi deyilsə də, Rusiya lideri danışıqlara köməkçisi Vladimir Medinskinin rəhbərlik etdiyi nümayəndə heyətini göndərib.

Britaniya mediası V.Putinin Türkiyəyə sui-qəsd qorxusuna görə gəlmədiyini iddia edib. Kreml lideri Vladimir Putinin Ukraynadakı uğursuz müharibəyə görə yaxın gələcəkdə hakimiyyətini itirə biləcəyi deyilir.

Qərb kəşfiyyat ekspertləri V.Putinin “ölü gəzən” vəziyyətdə olduğunu və sui-qəsd təhlükəsi altında yaşadığını bəyan ediblər. Qeyd edilir ki, 72 yaşlı V.Putin təhlükəsizlik tədbirlərini artırdıqca onun siyasi zəifliyi cəmiyyətdə özünü daha qabarıq göstərir.

V.Putinin fövqəladə təhlükəsizlik tədbirləri gördüyü və Kremldəki mühafizə olunan anklavını nadir hallarda tərk etdiyi bildirilir.

Məlumata görə, o, daim Ukrayna, anti-Kreml dissidentləri və ya yaxın çevrəsinin təhdidlərinə qarşı ehtiyatdadır.

Britaniyanın tanınmış hərbi ekspertlərindən biri, polkovnik Hamiş de Bretton-Qordon mövzu ilə bağlı deyib:

"V.Putinin İstanbula gedib V.Zelenski ilə görüşmək ehtimalı yoxdur. O, təhlükədə ola biləcəyindən və ya müharibə cinayətlərinə görə həbs oluna biləcəyindən narahatdır".

Etibarlı mənbələrin məlumatına görə, V.Putinin paranoyası o həddə çatıb ki, lider ən azı iki dublyordan istifadə edir.