Pleyeri seçin:
“Qazprom”un neft-kimya kompleksinə dron hücumu edildi
Başqırdıstanın Ukrayna sərhədindən təxminən 1500 kilometr aralıda yerləşən Salavat şəhərində "Qazprom"un neft-kimya kompleksinə – "Qazprom Neftexim Salavat"a dron hücumu olub. Zavodda yanğın başlayıb.
Bu barədə Başqırdıstan Administrasiyasının rəhbərliyi "Telegram" kanalında paylaşım edib.
"İki təyyarə tipli pilotsuz uçuş aparatı müəssisəyə hücum edib. Ölən və xəsarət alan yoxdur. Passiv və aktiv müdafiə sistemləri işə düşüb, müəssisənin mühafizəsi atəş açıb. Dəymiş ziyanın həcmi müəyyənləşdirilir. Hazırda yanğın söndürülür, bütün xidmətlər yerindədir", – deyə "Telegram"da bildirilib.
Həmçinin Rusiyanın "Astra" kanalı da hücum yerindən güclü yanğını əks etdirən videogörüntülər yayımlayıb.
Qeyd edək ki, "Qazprom Neftexim Salavat" karbohidrogen xammalının tam dövr emalını həyata keçirir, benzin, dizel yanacağı, kerosin, digər neft məhsulları istehsal edir. Şirkətin strukturuna neft emalı zavodu, qaz-kimya zavodu və "Monomer" zavodu daxildir.
Kopyalandı
Seçilmişlər
