Qərb Rusiya-Ukrayna müharibəsindən necə istifadə edir?

Moskva ABŞ və müttəfiqlərinin Ukrayna böhranının sülh yolu ilə həllində maraqlı olduğunu görmür.

Bunu Rusiya xarici işlər nazirinin müavini Mixail Qaluzin deyib.

“Qərblilərin orada baş verən hər şeyin Vaşinqton üçün sərfəli sövdələşmə olduğunu xatırlatması ənənə halını alıb: Ukrayna münaqişəsi üçün ayrılan və məbləği milyardlarla ölçülən vəsaitin böyük hissəsi xaricdə qalır. Amerika hərbi-sənaye kompleksinin inkişafını stimullaşdırır və yeni iş yerləri yaradır. Döyüş meydanında ABŞ deyil, Ukrayna vətəndaşları ölür, bu da həyasız şəkildə vurğulanır.

Diplomatik yolda Kiyev və Qərb ölkələri Volodimir Zelenskinin tamamilə gözdən salınmış “formulunu” təbliğ etməyə davam edir. Bununla yanaşı, Ukrayna böhranının həlli üçün digər ölkələrin təklif etdiyi real təşəbbüsləri nəzərdən keçirməkdən qəti şəkildə imtina edirlər”, – M.Qaluzin bildirib.