Qətərdən vasitəçilik səylərinə açıq dəstək | Al Tani Abbas Əraqçi ilə nələrdən danışdı? - Baku TV
Yeniliklərdən dərhal xəbərdar olun
Hörmüz boğazından sövdələşmə vasitəsi kimi istifadə böhranı daha da dərinləşdirəcək.
Bunu Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani İranın xarici işlər naziri Abbas Əraqçi ilə telefon danışığı zamanı deyib.
Bu barədə Qətər Xarici İşlər Nazirliyinin “X” sosial şəbəkə hesabında paylaşılıb.
Bildirilib ki, Əraqçi qətərli həmkarını ABŞ ilə İsrailin İrana hücumlarından sonra aparılan danışıqlar prosesi ilə bağlı son yeniliklər barədə məlumatlandırıb.
Söhbət zamanı böhranın dinc yolla həllinə yönəlmiş vasitəçilik səylərinə Qətərin tam dəstəyi ifadə olunub.
“Hörmüz boğazının bağlanması, yaxud ondan sövdələşmə vasitəsi kimi istifadə edilməsi böhranı daha da dərinləşdirəcək və region ölkələrinin həyati maraqlarını təhlükəyə atacaq”, – deyə Qətərin Xarici İşlər Nazirliyi rəhbəri qarşı tərəfin diqqətinə çatdırıb.
Al Tani bunun qlobal enerji və ərzaq təchizatına, eləcə də bazarın sabitliyinə potensial mənfi təsirlərinin ola biləcəyini qeyd edib.
#Qətər teqi istifadə olunub
- Ərdoğan və Qətər Əmiri hansı mühüm sazişlərə imza atdılar? - Baku TV
- Türkiyə və Qətər arasında hansı mühüm razılaşma əldə olundu? - Baku TV CANLI
- Qətər İranı dəniz hücumlarına son qoymağa çağırdı - Baku TV CANLI
- İlham Əliyev və Şeyx Təmim bin Həməd Al Tani arasında görüş keçirilib - Baku TV
- Qətərli nazir ABŞ-nin açıqlamasını tamamilə yanlış hesab etdiyini bildirib
