Pleyeri seçin:
Qəzza zolağında atəşkəsin şərtləri | ABŞ nümayəndəsi çağırış etdi
“HƏMAS Qəzza zolağında döyüş əməliyyatlarına son qoyulması üçün bütün girovları azad etməlidir”.
Bu sözləri ABŞ Prezidentinin girovlarla iş üzrə nümayəndəsi Adam Bouler “Əl-Cəzirə” telekanalına müsahibəsində deyib.
“Mən sizə deyə bilərəm ki, girovlar azad edilərsə, döyüş əməliyyatları dərhal dayandırılacaq”, – deyə o əlavə edib.
ABŞ nümayəndəsinin sözlərinə görə, girovların azad edilməsi regionda sülhün bərqərar olması istiqamətində ilk və ən mühüm addımdır.
Gərgin vəziyyətə baxmayaraq, ABŞ Prezidentinin nümayəndəsi hesab edir ki, İsrail və HƏMAS arasında danışıqlar hələ də baş tuta bilər.
“Düşünürəm ki, bu, mümkündür. HƏMAS buna son qoya bilər”, – deyə nümayəndə bildirib, Fələstin hərəkatını sülh prosesinə başlamaq üçün güzəştə getməyə və girovları azad etməyə çağırıb.
Kopyalandı
#ABŞ teqi istifadə olunub
