Qəzzaya yardım niyə dayandırıldı? | Netanyahudan mühüm açıqlamalar

“Müharibə başlayan andan deyirdik ki, qələbəni tamamlamaq üçün HƏMAS-ı məğlub edib girovları azad etməliyik. Bu iki tapşırıq bir-birinə bağlıdır”.

Bunu İsrailin Baş naziri Benyamin Netanyahu deyib.

“Amma biz aclıq vəziyyətinə gəlməməliyik. Buna görə də Qəzzaya minimal yardım etməyə qərar verdik. Amma gördük ki, HƏMAS bu yardımın bir hissəsini talayır. Buna görə də humanitar yardım dayandırıldı.

Amerikalı dostlarla digər metoddan istifadəni razılaşdırdıq. Bu üsul İsrail Müdafiə Qüvvələrinin nəzarətində olan yardım məntəqələrini əhatə edir. Burada ərzaqla yanaşı, tibbi yardım da göstəriləcək”, ‒ deyə B.Netanyahu bildirib.

İsrail Baş nazirinin sözlərinə görə, yaxın günlərdə bir neçə belə məntəqə yaradılacaq:

“Qəzza bizim nəzarətimizdə olanda bütün sakinlər həmin məntəqələrə rahat şəkildə gələ biləcəklər. HƏMAS isə yardımsız qalacaq. Bütün bunlar Qəzzadakı əməliyyatlara paralel həyata keçiriləcək. Bu, HƏMAS-ın süqut planının bir hissəsidir”.