"Ölüm vadisi"ndəki sınaq uğurla tamamlandı | Yeni cihazın özəllikləri açıqlandı

Yer atmosferində buxar şəklində milyard qallon su var.

Bu buxar effektiv şəkildə tutula və qatılaşdırıla bilsə, ənənəvi su ehtiyatlarının mövcud olmadığı yerləri təmiz içməli su ilə təmin etmək olar.

Bu məqsədlə yeni atmosfer suyu yığan cihaz hazırlanıb və sınaqdan keçirilib. Onun su buxarını effektiv şəkildə tutduğu və quru səhra havası da daxil olmaqla müxtəlif nisbi rütubət səviyyələrində təhlükəsiz içməli su istehsal etdiyi müəyyən edilib.

Yeni cihaz qara rəngdə, pəncərə ölçüdə şaquli paneldir, su uducu hidrogel materialından hazırlanıb və soyuducu lay ilə örtülmüş şüşə kameraya yerləşdirilib.

Komanda Şimali Amerikanın ən quru bölgəsi olan Kaliforniyanın “Ölüm vadisi”ndə cihazla bir həftədən çox işləyib. Çox aşağı rütubət şəraitində belə cihaz gündə 160 millimetr sürətlə havadan içməli suyu əldə edir.

Komandanın qiymətləndirmələrinə görə, kiçik massivdə quraşdırılmış çoxsaylı şaquli panellər hətta quraq səhra şəraitində belə bir ev təsərrüfatını passiv şəkildə içməli su ilə təmin edə bilər.

Üstəlik, sistemdə su istehsalı rütubətin yüksəlməsi ilə artmalıdır ki, bu da mülayim və tropik iqlimlərdəki evləri içməli su ilə təmin etməyə imkan verəcək.