"Onlar cəhənnəmi yaşadılar" | İsrailin budəfəki hədəfi görün hara oldu

İsrailin qəfil aviazərbəsi ilə Qəzza şəhərində sığınacaq kimi istifadə olunan məktəbdə ən azı 15 fələstinli ölüb, bir neçə nəfər isə yaralanıb. Həlak olanlar arasında uşaq və qadınlar da var.

Qəzza şəhərinin qərbində köçkünlərin məskunlaşdığı Mustafa Hafiz məktəbinə raket atılıb. Ümumilikdə Qəzza zolağının müxtəlif bölgələrinə hava zərbələri nəticəsində 300 fələstinli həlak olub.

Qeyd edək ki, ABŞ, Qətər və Misirin vasitəçiliyi ilə İsraillə HƏMAS arasında mümkün atəşkəs müzakirə olunur.

İsrailin "Ynet" xəbər portalı məlumat yayıb ki, HƏMAS da İsraillə atəşkəs təklifinə müsbət cavab verib.

Bununla yanaşı, yaraqlılar israr edirlər ki, potensial razılaşma Qəzzada atəşkəsin təminatını, İsrail qoşunlarının oradan çıxarılmasını və anklavа humanitar yardımın gətirilməsini özündə ehtiva etməlidir.

Paralel olaraq İsrailin Baş naziri Benyamin Netanyahu oktyabrın 7-si 2023-cü ildə HƏMAS-ın hücumundan sonra ilk dəfə Nir Oza səfər edib. Baş nazir bölgədəki dağıntılara baxış keçirib və HƏMAS tərəfindən girov götürülən vətəndaşların ailələri ilə görüşüb.