Rekord dərəcədə hücum edildi | ABŞ MN-dən açıqlama

ABŞ-nin İraq və Suriyadakı bazalarına 2023-cü il oktyabrın 17-dən etibarən edilən hücumların sayı 130-a çatıb.

Bu barədə Pentaqonun sözçüsü Patrik Rayder məlumat yayıb.

Bildirib ki, hücumların böyük bir hissəsi ölkənin Suriyadakı məntəqələrinə edilib.

“Bu avia-zərbələrin 53-ü İraqdakı, 77-si Suriyadakı hərbi bazalarımıza endirilib”, – deyə mətbuat katibi əlavə edib.

Sözçü onu da qeyd edib ki, Yəməndə fəaliyyət göstərən husilərin Qırmızı dənizdə gəmilərə etdiyi hücumların sayı 2023-cü il noyabrın 19-dan 27-nə olan dövr ərzində kifayət qədər artıb.