Rusiya cəbhədə irəliləsə də... | Bu qərar müharibəyə necə təsir edəcək?

“Ukraynanın bir sıra Qərb müttəfiqləri hava hücumundan müdafiə sistemləri və digər hərbi texnikanın tədarükünü sürətləndirmək üzrə öhdəliklərini yerinə yetirmir”.

Bu barədə məlumatlı mənbələr “Bloomberg”ə bildiriblər.

Qeyd olunub ki, bir neçə NATO ölkəsi alyansın iyulda Vaşinqtonda keçirilən sammiti zamanı ən azı beş əlavə uzaqmənzilli hava hücumundan müdafiə sistemi göndərəcəyini vəd edib:

“O zaman ABŞ, Almaniya və Rumıniya hərəsi bir “Patriot” kompleksi göndərməyə söz verdilər və dördüncü kompleks bir neçə ölkənin hədiyyə etdiyi hissələrdən yığılmalı idi. Eyni zamanda İtaliya SAMP-T sistemini göndərəcəyini vəd etdi. Digər müttəfiqlər Ukraynaya başqa sistemlər və sursatlar göndərməyi öhdələrinə götürdülər. Rusiya cəbhədə irəliləsə də, Ukraynanın müttəfiqləri arasında dəstək qeyri-bərabər olaraq qalır”.

Bəzi müttəfiqlərin də Ukraynanın ehtiyat qüvvələrini hərbi texnika ilə təmin etməkdə geridə qaldığı və bunun ölkənin müdafiəsinə mənfi təsir etdiyi vurğulanıb.