Rusiya hərbçiləri Azərbaycanla sərhəd bölgələri tərk edir?

Rusiya hərbçiləri Ermənistanın Azərbaycanla sərhəd bölgələrindən çıxır. Bu barədə erməni mediası məlumat paylaşıb.

Bildirilib ki, rusiyalı hərbçilər 2020-ci ilin dekabrında Gorus şəhəri və Qafanın Çakaten kəndi arasında qurulan postları tərk etməyə başlayıb.

Qeyd edək ki, bu barədə razılaşma mayın 9-da Moskvada Rusiya Prezidenti Vladimir Putin və Ermənistanın Baş naziri Nikol Paşinyan arasında keçirilən görüşdə əldə edilib. Razılaşmaya əsasən, Rusiya hərbçiləri 44 günlük müharibədən sonra yerləşdikləri Sünik, Vayots Dzor, Geqarkunik, Ararat və Tavuşdakı məntəqələri tərk etməlidirlər.