Rusiya öz ərazisinə bomba atıb?

“Müdafiə Nazirliyinə bizim torpaqlarımızı azad etməsi üçün iki həftə vaxt veririk”.

Bunu Rusiyanın “Vaqner” muzdlu hərbi təşkilatının rəhbəri Yevgeni Priqojin deyib.

Rusiya Müdafiə Nazirliyini hədələyən təşkilat rəhbəri bildirib: “Onlar bizim ərazilərimizi azad etməsələr, biz Belqoroda gedəcəyik və öz torpaqlarımızı müdafiə edəcəyik. Amma tələb edəcəyik ki, Müdafiə Nazirliyi də ora gəlsin. Ölmək varsa, birlikdə öləcəyik. İmkan verməyəcəyik ki, kimlərsə kürsüdə rahat otursun, ölənlər də Belqorod uşaqları olsun.

Qorxuram ki, Müdafiə Nazirliyi öz ərazimizə nüvə bombası atmaq kimi fikrə düşə. Bəlkə də Belqrodda ona görə geri çəkilirik ki, onların içəriyə doğru hərəkətinə imkan verək, başqasının ərazisinə bomba atmaqdan qorxduğumuz üçün öz ərazimizə bomba ataq və necə başdanxarab olduğumuzu göstərək”.