Rusiya səhv qərar versə, ABŞ... | BMT-dəki iclasda Putinə xəbərdarlıq

“Ukraynada atəşkəslə bağlı ABŞ-nin təklifi Rusiya üçün ən yaxşı variantdır. Vladimir Putin təklifi qəbul etməlidir”.

Bunu ABŞ-nin BMT-dəki nümayəndəsinin müavini Con Kelli bildirib.

BMT Təhlükəsizlik Şurasında çıxış edən C.Kelli əlavə edib ki, Rusiya 30 günlük atəşkəs təklifi ilə razılaşmalıdır. Bu təklif hava, quru, dənizdə atəşkəsi nəzərdə tutur. Vacib infrastruktur da hədəf alınmamalıdır:

“Biz Rusiya ilə sülh təşəbbüsü və iqtisadi paket üzrə əməkdaşlıq etmək istəyirik. Rusiya savaşın davam etdirilməsi ilə bağlı yanlış qərar versə, ABŞ danışıqlardan imtina edəcək və Moskva sanksiyalarla üzləşəcək. Münaqişənin hərbi həlli yoxdur”.

İclasda Çinin BMT-dəki nümayəndəsinin müavini Qen Şuan da çıxış edib və bildirib ki, tərəflər sülh danışıqlarının dinamikasını qorumalıdır.

Onun fikrincə, beynəlxalq humanitar normalara da riayət olunmalı, yaşayış məntəqələri hədəf seçilməməlidir. Beynəlxalq ictimaiyyət də sülhün əldə olunması üçün səylərini əsirgəməməlidir.