Pleyeri seçin:
Rusiya Xarkova dronlarla hücum etdi | Ölən və yaralananlar var
Ukraynanın şərqindəki Xarkov şəhəri Rusiyanın pilotsuz uçuş aparatlarının güclü zərbəsinə məruz qalıb.
Xarkov Regional Dövlət Administrasiyasının sədri Oleq Sinequbovun sözlərinə görə, son məlumatlar 4 nəfərin öldüyünü, 13 nəfərin yaralandığını göstərir.
Saltovski rayonunda dron hücumu qeydə alınıb və Şevçenkovski rayonunda da yanğın baş verib. Yenilənmiş məlumata görə, şəhər üzrə altı yerə 15 zərbə endirilib. Tibbi yardım üçün müraciət edənlərin sayı 15-ə çatıb.
Hücum nəticəsində enerji və istilik sistemlərinə ciddi ziyan dəyib, transformator yarımstansiyası və üç yaşayış binası dağılıb.
Monitorinq kanallarının məlumatına əsasən, 20-dən çox “Geran-2” tipli kamikadze dronunun Xarkov və Kramatorsk istiqamətində uçuşu qeydə alınıb.
Kopyalandı
Seçilmişlər
