Rusiya XİN Ermənistana ultimatum göndərdi: Arxalanmadan öncə tarixə nəzər salın

“Ermənistan rəhbərliyi ABŞ-yə arxalanan ölkələrin arzuolunmaz taleyini unutmamalıdır”.

Bu barədə Rusiya xarici işlər naziri Sergey Lavrov bildirib.

Onun sözlərinə görə, Ermənistanda Rusiyadan imtina edib yeni dostlar qazanmağı arzulayanlar çoxdur.

“Əvvəla, tarixi, coğrafi və geosiyasi baxımdan Rusiyanı uzaqlaşdırmaq, onun Cənubi Qafqazdakı maraqlarını heçə saymaq mümkün deyil. Lakin İrəvanda bir sıra rəhbərlər belə ümidlərlə yaşayırlar. Onlar bunu çəkinmədən, birbaşa deyirlər.

Eyni fikirlə Ermənistanın Baş naziri Nikol Paşinyan da çıxış edib. O, Ermənistanın təhlükəsizliyini təmin etmək üçün tərəfdaşlar çevrəsini genişləndirmək zərurətindən danışıb. Ermənistan rəhbərliyinin bir çox nümayəndələrinin bəyanatlarından da göründüyü kimi əgər onlar ABŞ-yə arxalanırlarsa, məsləhət görərdim ki, müasir tarixə nəzər salsınlar. ABŞ-nin qanadları altına aldığı insanların taleyi qibtə olunası deyil”, – deyə S.Lavrov əlavə edib.