Rusiyadan Ukraynaya sərt xəbərdalıq | Putinin təklifindən imtina etsələr...

“Ukrayna hakimiyyəti Rusiya Prezidenti Vladimir Putinin irəli sürdüyü təklifdən imtina etsə, tərəflər arasında sülh sazişinin bağlanmasının növbəti şərtləri daha mürəkkəb və sərt olacaq”.

Belə bir bəyanatla Rusiya Xarici Kəşfiyyat Xidmətinin direktoru Sergey Narışkin çıxış edib.

O, yerli telekanallardan birinin əməkdaşının “sülh təklifi Ukrayna tərəfindən yenidən rədd edilərsə, Rusiya-Ukrayna müharibəsinin aqibəti necə olacaq?” sualına cavabında belə deyib.

Xatırladaq ki, Vladimir Putin iyunun 14-də Rusiya-Ukrayna münaqişəsinin sülh yolu ilə həlli üçün şərtlər irəli sürüb. O, Krımın, qondarma Donetsk və Luqansk Xalq Respublikalarının, Zaporojye və Xerson vilayətlərinin Rusiyanın regionları kimi tanınmasını, Ukraynanın bloklara qoşulmamış və nüvəsiz statusunun möhkəmləndirilməsini, onun demilitarizasiyası və denasifikasiyasını, həmçinin Rusiyaya qarşı sanksiyaların ləğvini təklif edib.