Rusiyanın Ermənistana xəbərdarlığı gündəm oldu | News.ru material hazırladı

Rusiyanın populyar News.ru portalı İrəvanın Cənubi Qafqaz siyasətinə Moskvanın baxışına dair material hazırlayıb.

Məqalədə Rusiya rəsmiləri və politoloqlarının mövzu ilə bağlı fikirləri yer alır.

Bildirilir ki, Rusiya Baş nazirinin müavini Aleksey Overçuk bu yaxınlarda İrəvana xəbərdarlıq edib. O vurğulayıb ki, Ermənistan hakimiyyətinin Qərbyönümlü siyasi vektoruna göz yummağı düzgün hesab etmir.

Respublikanın Avropa Birliyinə daxil olmaq istəyindən danışan məmur qeyd edib ki, AB və Avrasiya İqtisadi İttifaqına üzvlük bir yerə sığmır.

Siyasi Araşdırmalar İnstitutunun direktoru Sergey Markov deyib ki, Nikol Paşinyan Rusiyadan tamamilə üz döndərməzdən əvvəl Qərb tərəfdaşlarından "kağız üzərində təhlükəsizlik zəmanəti" almaq istəyir.

"Ümumiyyətlə, Ermənistan qərbliləri aldatmağa, Moskva ilə ciddi qarşıdurmaya getmək əvəzinə bu qarşıdurmanı alver predmetinə çevirməyə hazırdır. Amma Ermənistanın Baş nazirində heç nə alınmayacaq. Qərbə yüksək təcrübəli, imperialist qurdlar rəhbərlik edir", – S.Markov hesab edir.

O, Ermənistanı xarici qüvvələrin Cənubi Qafqaza nüfuz etməsinə kömək edən və regionun çiçəklənməsinə təhlükə yaradan “troya atı”na bənzədir.