Rusları dəhşətə gətirən hücum | Rusiya-Ukrayna müharibəsində son vəziyyət

Rusiya hava hücumundan müdafiə qüvvələri sentyabrın 30-dan oktyabrın 1-nə keçən gecə Belqorod vilayəti üzərində Ukraynaya məxsus 9 pilotsuz uçuş aparatını məhv edib.

Bu barədə ölkənin Müdafiə Nazirliyi məlumat yayıb.

Bildirilib ki, Kiyev rejiminin Rusiya Federasiyası ərazisində terror aktları törətmək cəhdlərinin qarşısı alınıb.

Əlavə olunub ki, hücum nəticəsində zərərçəkənlərin sayı hələ ki müəyyən edilməyib. Məhv edilən PUA-ların qalıqları yaşayış binasına düşdüyündən bir neçə evə ziyan dəyib.

Belqorod vilayətinin qubernatoru Vyaçeslav Qladkov “Telegram” kanalında qeyd edib ki, Ukrayna Silahlı Qüvvələrinin Şebekino şəhərini atəşə tutması nəticəsində 1 mülki şəxs ağır yaralanıb.