Şahramanyan gileyləndi: Hamımız çətin vəziyyətdəyik

Qarabağ erməniləri İrəvanda etiraz aksiyasına başlayıblar.

Onlar keçmiş qondarma rejimin qondarma nümayəndəliyi kimi fəaliyyət göstərmiş binaya soxularaq eks-xunta rəhbəri Samvel Şahramanyanla görüş tələb ediblər.

S.Şahramanyan isə narazı kütləyə üzünü tutaraq onları xaos yaratmamağa çağırıb. Əraziyə toplaşan narazı ermənilər isə etirazlarında israrlı olublar. Aksiyanın daha da gücləndiyini görən S.Şahramanyan “20-30 nəfər seçin, onlarla zalda danışarıq” deyə vəziyyətdən çxış yolu tapmağa çalışıb.

Daha sonra isə etirazçılar Samvel Şahramanyanın qardaşına hücum edərək onu döyüblər. Polis tərəfindən saxlanılanların olduğu bildirilir.

Xatırladaq ki, separatçıların keçmiş qondarma nümayəndəliyinin qarşısına toplaşanlar S.Şahramanyanın oktyabrın 19-da imzaladığı "fərman"a etiraz ediblər. Həmin sənədə əsasən, qondarma rejimin "prezident", "dövlət naziri", "nazirlər" və bir sıra yüksək rütbəli "məmurlar"ı istisna olmaqla, demək olar ki, bütün "dövlət qurumları"nın işçilərinə əməkhaqqı verilməsi dayandırılır.