SEPAH-dan İsrailə hücumla bağlı açıqlama | "Doğru vəd" əməliyyatının detalları

SEPAH komandanlığı İsrailə edilən hücumla bağlı açıqlama yayıb.

Açıqlamada İranın Dəməşqdəki səfirliyinin konsulluq şöbəsinə edilən hücuma cavab verildiyi bildirilib.

“Doğru vəd” adlandırılan əməliyyat zamanı Hərbi Hava Qüvvələrinin onlarla raket və pilotsuz təyyarələrdən istifadə edərək İsraili cəzalandırdığı qeyd olunub.

Əməliyyatın Ali Milli Təhlükəsizlik Şurasının razılığı və Silahlı Qüvvələrin Baş Qərargahının nəzarəti altında, İran xalqının və Müdafiə Nazirliyinin dəstəyi ilə həyata keçirildiyi vurğulanıb.