Şüalar atom nüvələri ilə toqquşur | Çinli alimlərdən yeni araşdırma

Çinli alimlər Yer səthində müonların çox olmasının sirrini izah ediblər.

Onlar hesab edirlər ki, bu, kosmik şüaların planetin atmosferi ilə toqquşması zamanı qlüon kondensasiyası prosesi ilə bağlıdır.

Müonların çoxluğu yüksək enerjili kosmik şüaların atmosferdəki atom nüvələri ilə toqquşması zamanı kaskad prosesləri nəticəsində yaranır. Bu toqquşmalar müonlara parçalanaraq pionlar və kaon kimi hissəciklər əmələ gətirir.

Alimlər hesab edirlər ki, qlüon kondensasiyası şəraitində bu hissəciklərin generasiyası intensivləşir və bu da Yer səthinə çatan müonların sayının artmasına səbəb olur.

Alimlər atmosferdə kosmik şüaların atom nüvələri ilə ilkin toqquşmasını təhlil ediblər. Hesablamalar toqquşma enerjisi və qarşılıqlı təsir edən hadronlar sistemindəki proseslər nəzərə alınmaqla aparılıb.

Nəticələr göstərib ki, qlüon kondensasiyası şəraitində qəribə kvarkların və antikvarkların istehsalı kvark-qlüon plazması şəraiti ilə müqayisədə 10 dəfə artır. Bu artım pionların və kaonların nəslinin artması ilə əlaqədardır, onlardan isə müonlar əmələ gəlir.

Beləliklə, qlüon kondensasiyası hava duşlarında müonların sayına birbaşa təsir göstərir.