Tədqiqatlar zamanı elə şeylər üzə çıxdı ki…. | 66 milyon il əvvəl mövud olan həşərat

Amerikalı alimlər dinozavrların varlığına son qoyan meteorit qəzasından qısa müddət sonra qarışqaların əkinçiliklə məşğul olmağa başladığını müəyyən ediblər. Bu, təxminən 66 milyon il əvvəl baş verib.

Tədqiqatlar zamanı komanda 475 müxtəlif növ göbələk və 276 növ qarışqanın genetik məlumatlarını təhlil edərək qarışqa əkinçiliyinin təkamül tarixini müəyyənləşdirib.

Nəticələr göstərib ki, təbaşir dövrünün sonunda meteoritlərin yağmasından, heyvan və bitkilərin kütləvi şəkildə yox olmasından sonra göbələklər çürüyən yarpaq zibillərində çoxalıb. Qarışqalar da bundan istifadə ediblər. Bunun üçün göbələk həyatın ləng bərpası dövründə qida mənbəyinə çevrilib.

Araşdırma həmçinin göstərib ki, qarışqaların qabaqcıl əkinçiliyi inkişaf etdirməsi üçün daha 40 milyon il lazım idi.

Tədqiqatçılar bu qabaqcıl təcrübənin mənşəyini təxminən 27 milyon il əvvələ qədər izləyə biliblər. Bu müddət ərzində iqlimin sürətli soyuması bütün dünyada ətraf mühiti dəyişib.